ആയിരത്തി തൊള്ളായിരത്തി അന്‍പതുകളിലും അറുപതുകളിലും അമേരിക്കയുടെ രാഷ്ട്രീയ സാമൂഹിക ധൈഷണിക ജീവിതത്തെ ഞെട്ടിയ്ക്കുകയും ഇന്നും ആഴത്തില് സ്വാധീനിയ്ക്കുകയും ചെയ്യുന്ന കവിയാണ് അല്ലന്‍ ഗിന്‍സ്ബര്‍ഗ് ( 1926 – 1997). ഗിന്‍സ്ബര്‍ഗിന്റെ കവിതയെയും വിവാദപരമായ ജീവിതത്തെയും ചിന്തകളെയും പ്രമേയമാക്കുന്ന ചിത്രമാണ് 2010 ല്‍ പുറത്തിറങ്ങിയ Howl (2010 / Dir:Rob Epstein & Jeffrey Friedman) സ്വതന്ത്രചിന്തയുടെയും,വാക്കിന്റെയും, ബീറ്റ് ജനറേഷന്റെയും പ്രഘോഷകനും ശക്തമായ കമ്മ്യുണിസ്റ്റ് - ഇടതുപക്ഷ രാഷ്ട്രീയ നിലപാടുകള് എടുത്ത കവിയും ആയിരുന്നു ഗിന്‍സ്ബെര്ഗ് . 1955 ല്‍ ഗിന്‍സ്ബര്‍ഗ് എഴുതിയ, ഇരുപതാം നൂറ്റാണ്ടില്‍ ഏറ്റവും കൂടുതല്‍ വായിക്കപ്പെട്ട, ബീറ്റ് ജനറേഷന്റെ ഏറ്റവും മഹത്തായ കവിത, എന്ന് വിശേഷിപ്പിയ്ക്കപ്പെടുന്ന Howl എന്ന കവിതയും അത് അശ്ളീലമാണ് എന്ന ആരോപണത്തെ തുടര്‍ന്ന് അദ്ദേഹത്തിന് നേരിടേണ്ടി വന്ന വിചാരണയുമാണ്‌ ഈ ചിത്രത്തിന്റെ കാതല്‍ .
Howl തുടങ്ങുന്നത് ഇങ്ങനെ
"I saw the best minds of my generation destroyed by madness, starving hysterical naked,
dragging themselves through the negro streets at dawn looking for an angry fix,
angelheaded hipsters burning for the ancient heavenly connection
to the starry dynamo in the machinery of night..."
എന്ന് തുടങ്ങുന്ന കവിത ഏതാണ്ട് മുഴുവനായി തന്നെ ഗിന്‍സ്ബെര്ഗ് ഈ ചിത്രത്തില്‍ ആലപിയ്ക്കുന്നുണ്ട് . 1955 ല്‍ സാന്‍ഫ്രാന്‍സിസ്കോയിലെ ഒരു ആര്‍ട്ട്‌ ഗാലറിയില്‍ ആണ് ഗിന്‍സ്ബെര്ഗ് തന്റെ കൂട്ടുകാരുടെ മുന്‍പില്‍ ആദ്യമായി ഈ കവിത അവതരിപ്പിയ്ക്കുന്നത് . ആ Gallery Six ആലാപനത്തിന്റെ പുനരാവിഷ്ക്കാരം, ഈ കവിതയുടെ Animated visuals ഉപയോഗിച്ചുള്ള ദ്രിശ്യവല്‍ക്കരണം, പിന്നീട് നടന്ന Court room trial and interviews with Ginsberg എന്നിങ്ങനെ മൂന്നു തലങ്ങളിലായാണ് സിനിമ ഒരേ സമയം നമ്മോടു communicate ചെയ്യുന്നത് .
Spiderman, 127 Hours എന്നീ ചിത്രങ്ങളിലൂടെ പ്രശസ്തനായ ജെയിംസ്‌ ഫ്രാങ്കോ ആണ് ഗിന്‍സ്ബര്‍ഗിന്റെ വേഷം ചെയ്യൂന്നതു.
Howl എന്ന കവിതയുടെ അതി പ്രശസ്തമായ Footnote ഉം സിനിമയില്‍ ഫ്രാങ്കോയുടെ വികാര തീവ്രമായ ശബ്ദത്തില്‍ ആവിഷ്ക്കരിയ്ക്കപ്പെടുന്നുണ്ട്. ആവര്‍ത്തിച്ച്‌ ആവര്‍ത്തിച്ച്‌ ഉപയോഗിയ്ക്കപ്പെടുന്ന "Holy" എന്ന വാക്ക് കൊണ്ട് ഗിന്‍സ്ബെര്ഗ് , നമ്മുടെ പൊതുബോധത്തില്‍ അധമാമെന്നു കരുതുന്നവ ഉള്‍പ്പടെ എല്ലാത്തിനെയും പരിശുദ്ധമായി പ്രഖ്യാപിയ്ക്കുന്നു.
പക്ഷെ, ഒന്ന് പറയാതെ വയ്യ. രണ്ടു മാധ്യമങ്ങള്‍ തമ്മില്‍ ഒരു താരതമ്യം സാധ്യമല്ല എങ്കിലും, ഗിന്‍സ്ബര്‍ഗിന്റെ കവിതയുടെ ശക്തി മുഴുവന്‍ സിനിമയില്‍ കൊണ്ട് വരാന്‍ കഴിഞ്ഞോ എന്ന ചോദ്യത്തിന് നെഗറ്റീവില്‍ ആയിരിക്കും എന്റെ മറുപടി.
Footnote to Howl
"Holy! Holy! Holy! Holy! Holy! Holy! Holy! Holy! Holy! Holy! Holy! Holy! Holy! Holy! The world is holy! The soul is holy!
The skin is holy! The nose is holy! The tongue and cock and hand and asshole holy!
Everything is holy! everybody’s holy! everywhere is holy! everyday is in eternity! Everyman’s an angel!
The bum’s as holy as the seraphim! the madman is holy as you my soul are holy!
The typewriter is holy the poem is holy the voice is holy the hearers are holy the ecstasy is holy!...."
No comments:
Post a Comment